Hulle het onlangs in Bloemfontein kom kuier en haar vriendinne wou graag vir haar 'n ooievaarstee hou vir die mensie in haar pensie.
Ons het die verversings en dekor gedoen vir hierdie spesiale geleentheid.
Die tema was wolkies en omdat Baba van der Berg se kamer in sagte pastelkleure gedoen gaan word en die tema 'diertjies' is, het ons ons daardeur laat lei.
Skapie kolwyntjies is gebak en dit het al te fraai op die tafel ingepas.
Heerlike pastelkleurige macaroons het ook die tafel versier.
Macaroons is altyd 'n treffer. Die kleure komplimenteer so maklik en dit is altyd 'n treffer onder gaste
Botteltjies is met melkies gevul en bypassende papierstrooitjies is gebruik.
Ons het vir die dogtertjie 'n drukbord gemaak en karton in die vorm van die diertjies wat in die kamer gaan wees, gemaak. Gaste het hul seënwense vir die Van der Bergs op die diertjies geskryf en op die bord vasgedruk.
Karen en Dewald, ons sien baie uit daarna om haar naampie te hoor! Hoop jy het 'n geseënde swangerskap verder. Ons kan sien daai mensie in jou pensie is reeds baie geliefd!
No comments:
Post a Comment